Coas amoras pódese facer pisallada ou marmeladaPrimeiro, búscase unha compaña agradable e, a poder ser, de boa estatura (as mellores amoras teñen a manía de medrar no alto). Logo localízase unha zona na que haxa abondosas silvas. Entre conversa e conversa, apáñanse as amoras, dándolles preferencia a aquelas máis grandeiras, maduras e que non estean comestas polos bechos. Xa na casa coa bolsa chea, lávanse ben os froitos para retirarlles o po. Esmigállase o miolo de media barra de pan do día (a codia non se aproveita). Cun tenedor, machúcanse as amoras coa miga e azucre a gusto, ata que non quede ningunha frangulla de cor branca. A pisallada está lista para servir e compartir.
Así mesmo é!!! Ummmm...... entre os bonitos recordos da miña infancia, a pisallada era aljo típico dos vrans da Arousa.
ResponderEliminar"pisallada" débese añadir tamén ó diccionario de ausencias!
ResponderEliminarTamen a expresion "Fixestes unha pisallada", a teño escoitado. Quere dicir que fixestes un estropicio, ou un cristo ou algo asi.
ResponderEliminarNon sei si foi proposta a frase "sabeo cameán" para expresar algo que se da por feito.
ResponderEliminarsisi. eu oxe mesmo vou a ir as moras e vou a faser unha pisallada, asi q bo probeito.
ResponderEliminar