Guía da toponimia da Illa de Arousa
Do Campelo a Carreirón: guía da toponimia da Illa de Arousa é o resultado de tres anos de investigación de campo, que incluíu numerosas entrevistas con mariñeiros e veciñanza da Arousa, así como a revisión sistemática de catastros, cartas náuticas, cadernos de marcas e documentos do mosteiro de San Martiño Pinario. O libro reúne a explicación de 600 topónimos do mar e da terra, que identifican realidades xeográficas diversas. Destaca no conxunto a información sobre os talasónimos, pois ofrécense datos novidosos e inéditos sobre a forma de nomear os acidentes do mar. A guía foi editada pola Asociación Cultural Dorna da Illa de Arousa, co apoio económico da Deputación de Pontevedra. Presentouse en decembro de 2025 e distribuíuse gratuitamente. A versión dixital en pfd pode consultarse na rede.