Comparsa o Cano
[Helena Domínguez] A comparsa máis antiga da Arousa, polo menos, ata onde nos chega a memoria, é "O Cano", formada exclusivamente por homes. Saiu por primeira vez no Entroido de 1947 e gozou dunha gran aceptación durante décadas, non só na illa. Un dos principais factores do seu éxito foron as súas letriñas, que facían referencia ás preocupacións sociais, costumes e modas dos arousáns, nun tempo no que ningún medio de comunicación falaba da Arousa.
