O programa Thalassa da canle autonómica catalana TV3, dedicado a asuntos relacionados co mar, emitiu hai uns días un interesante documental sobre a orixe das conserveiras en Galicia e a súa relación cos industriais cataláns. A gravación pode verse en liña (facendo clic na opción de "qualitat baixa") e conta coas intervencións, entre outras persoas, de Xoan Dopico, na Illa de Arousa, Manuel Goday, en Vilagarcía, e Albert Goday, en Barcelona, estes dous últimos descendentes da familia Goday. Gran parte das imaxes do documental están tomadas na Arousa.
Buscar neste blog
5 de dec. de 2007
26 de nov. de 2007
¿Isto é un reloxo de sol?
![](http://bp0.blogger.com/_wHF5tWQRLD0/R0tAfLeDpRI/AAAAAAAAAQk/RLZL7SvQmi0/s0-d/Reloxo-sol-igrexa.gif)
Ás catro da tarde, as árbores do atrio proxectaban a súa sombra sobre as paredes da igrexa; e nunha das pedras, curiosamente orientada de diferente xeito que as outras, un pequeno arame tamén facía sombra no lugar das catro nunha esfera imaxinaria. ¿É este o reloxo de sol da igrexa?
25 de nov. de 2007
O legado de Camilo Otero
Estas dúas esculturas que mostran as imaxes están atribuídas ao artista compostelán Camilo Otero (1932-2003), que esculpiu por iniciativa propia varios cons na Arousa. No alto do Con do Forno, baixo o sinal xeodésico, tamén se aprecia na pedra a cara dunha muller, que podería ser obra do mesmo escultor.
Detrás do Con do Forno atópase esta escultura que representa a unha muller ou un home inclinado, cun animal (pode ser a cabeza dun can, dunha ovella) entre os brazos
![](http://bp3.blogger.com/_wHF5tWQRLD0/R0mA-beDpQI/AAAAAAAAAQc/F-qbXDf9ydY/s0-d/escultura_muller.gif)
22 de nov. de 2007
¿U-la cruz do Aguiuncho?
![](http://bp1.blogger.com/_wHF5tWQRLD0/R0XsR7eDpOI/AAAAAAAAAQM/J-dvp7rOoWM/s0-d/cruzaguiuncho.gif)
Xa hai anos que desapareceu a cruz de pedra da punta do Aguiuncho. ¿Que sería dela? ¿E por que motivo habería alí unha cruz?
Subscribirse a:
Publicacións (Atom)