17.1.10

Arqueoloxía: o mapa da Arousa

Os puntos clave da arqueoloxía insular


Existe unha tendencia a considerar que a Illa de Arousa non conta cun patrimonio arqueolóxico destacable. Mais esta afirmación semella froito do descoñecemento máis ca da realidade. Se nas vilas veciñas se atoparon conxuntos megalíticos, e mesmo está documentada a existencia de enterramentos funerarios da Idade de Bronce no illote Areoso, o sorprendente sería que na Arousa non houbese ningunha pegada dos antigos poboadores. Neste mapa localizamos seis lugares clave para achegarse á esquecida arqueoloxía da illa:

-O cemiterio dos Bufos, un xacemento estudado, mais totalmente abandonado.
-O conxunto das praias de Riasón e dos Tarais, quizais un dos restos máis interesantes, de magnitude aínda por descubrir.
-A ara de Niño do Corvo: unha pedra cunha misteriosa cavidade, que podería remitir a antigos ritos pagáns. Xulguen as imaxes do post correspondente.
-O conxunto das praias do Naso e da Cova: ao igual que en Riasón, no norte da illa o mar deixou ao descuberto vellos muros cuxa función é hoxe descoñecida. Este xacemento é dos menos documentados, e do único do que, aínda, non lles podemos ofrecer imaxes.
-Os restos do Areoso, xa comentados con anterioridade.

4 comentarios :

Chousa da Alcandra dixo

Pois eu digo que me parece moi loable o teu traballo e anímote a continuar.
Son habitante do interior do país que visito con asiduidade A Illa, incluso dende antes da ponte; por elo, despois de Antas que é a miña vila natal, síntome un pouco carcamán tamén...

Saúdos dende a Chousa

José Luís do Pico Orjais dixo

Parabéns pelas informações sobre arqueologia da Arousa. Eu acho imprescindível uma posta em valor do nosso património histórico-artístico, hoje infelizmente muito desconhecido. Haveria que fazer um esforço desde as instituições, principalmente o concelho, mas também desde a sociedade civil para recompilar toda a informação existente sobre os achados estudados (minimamente) e incentivar novas pescudas. Quiçá uma associação de Amigos da História? Uma plataforma que inclua a todas as pessoas interessadas em recuperar a nossa história? O trabalho que a tua página está a fazer em etnolinguística com o léxico carcamão é muito bom ou o apartado de talasotoponímia, autêntica arqueologia da paisagem.
No que se refere às imagens e aos lugares que citas eu incluiria uma imagem aérea (google earth, sigpac) do alto da Torre. É muito interessante ver a circunferência (límites do recinto original) que ainda hoje forma o caminho que parte da de Vitorino, passa pela da Canária, sobe até o cruzeiro, baixa pela de Victor Juan, fechando o círculo o muro pelo que se acede à escorregadoira. Devia ser espetacular esta atalaia sobre o grande rochedo. Existe uma breve descrição da Torre feita por Sarmiento e semelha que as pedras deste conjunto singular deveu fornecer de pedra a Igreja atual e até ao cárcere de Cambados.
Tenho entendido que ante a nova construção feita no recinto do Alto da Torre não se realizaram catas arqueológicas. Esta foi sem dúvida uma ocasião perdida.

nailla dixo

José Luís, mirarei a imaxe do Google Earth que propós.
Ogallá xurdira algún colectivo ou institución interesada en estudar e protexer a arqueoloxía insular. En realidade, esa é unha das principais motivacións que me move a divulgar o patrimonio existente neste blog, ao igual que ti fas no teu Ilha de Orjais, unha fonte de información imprescindible para estes temas.

E ti que dis?

A responsabilidade dos comentarios é unicamente de quen os escribe. A dirección eliminará os comentarios que estime conveniente. As peticións para borrar comentarios non serán atendidas. A participación implica a aceptación destas condicións.

Related Posts Plugin for WordPress, Blogger...