Máis dunha década de vida solitaria sen dono coñecido, artrose, carrachos incrustados... O Chopo xa non deambulará máis polo Chufre, foi sacrificado por recomendación veterinaria. Adeus Chopiño, houbo quen che quixo!
Buscar neste blog
18 de maio de 2009
Adeus Chopo!
Máis dunha década de vida solitaria sen dono coñecido, artrose, carrachos incrustados... O Chopo xa non deambulará máis polo Chufre, foi sacrificado por recomendación veterinaria. Adeus Chopiño, houbo quen che quixo!
17 de maio de 2009
Día das Letras (II)
O contacontos Anxo Moure paseou os nenos na súa estrafalaria bicicleta dos libros
Pepe Carreiro debuxoulle a cada rapaz a súa personaxe favorita d'Os Bolechas
O grupo de danza de Dorna ofreceu un espectáculo no auditorio
Pepe Carreiro debuxoulle a cada rapaz a súa personaxe favorita d'Os Bolechas
O grupo de danza de Dorna ofreceu un espectáculo no auditorio
Aquí teñen unha mostra dos actos de celebración do Día das Letras Galegas na Arousa. A xornada caracterizouse polo mal tempo e a escasa participación cidadá. Menos mal que estaba o debuxante Pepe Carreiro, o d'Os Bolechas, e atraeu ás familias con nenos.
16 de maio de 2009
Día das Letras
-A chuvia e o vento sur tamén queren celebrar o Día das Letras, e se insisten en participar, os actos serán con toda probabilidade no auditorio.
-O autor d'Os bolechas van de viaxe: O con illa de Arousa, Pepe Carreiro, asinará exemplares do seu libro, do que chegaron novas remesas ás librarías, despois de que o título se esgotara. Carreiro xa estivo no "ghrupo" e aínda lle falta visitar as garderías. Son moitos os pais-nenos que queren un conto que mostra ás personaxes infantís máis populares do momento percorrendo a "ruta dos cons" da Arousa.
-A libraría Castelao ofrecerá, ao igual ca o ano pasado, un desconto do 10% na compra de libros, no posto que montará con ocasión do Día da Letras.
-Dorna participará na festa coa presencia das tres dornas grandes Peza de Rabo, Irmadiña e Nova Marina no peirao de pau.
12 de maio de 2009
Cadeliños buscan familia
Na zona do Campelo, onde comeza o sendeiro que bordea a costa ata o faro, hai unha cadela abandonada con oito cadeliños que aínda está amamantando. Ela está esquelética, pero os cachorros están gordiños e desexando atopar unha familia.
11 de maio de 2009
Dicionario de ausencias
Como pode ser que o dicionario de galego non recolla a acepción de lámparón como becho do mar que vive adherido aos cons?. Moitas palabras que usan a cotío as xentes da Arousa non aparecen recollidas na norma oficial do galego, pero iso non significa que debamos renunciar a elas. En ocasións, o termo remite a unha palabra primitiva en latín, ou aparece recoñecido pola lingua portuguesa, pero noutras, descoñecemos por completo a súa orixe. Para facer unha compilación de todas esas palabras, e tratar de dilucidar o significado e a ortografía correcta, iniciamos un novo proxecto aberto denominado Dicionario de Ausencias. Ao igual que o Proxecto Talasonimia da Arousa, trátase dun espazo de intercambio de coñecemento e colaboración dirixido a todas aquelas persoas amantes da fala arousá, ou nun senso máis amplo, das palabras discriminadas polas institucións da lingua.
Subscribirse a:
Publicacións (Atom)