A Confraría de Pescadores da Arousa elixiu unha fotografía do Nicho dos anos 60 para ilustrar o calendario deste ano. Baixo a imaxe do calendario que reproducimos aquí, poden ver o mesmo lugar na actualidade. Á parte das obvias vantaxes que implica a urbanización do camiño, o cambio foi para mellor ou para peor?
Buscar neste blog
12 de xan. de 2010
10 de xan. de 2010
8 de xan. de 2010
Listo para a descarga o último número de Dorna
Xa está dispoñible en pdf o número 11 da revista Dorna, editada pola asociación cultural do mesmo nome. Ademais, o equipo coordinador agasállanos cunha novidade: a posibilidade de descargar todos os números da publicación desde a súa reaparición no ano 2005.
7 de xan. de 2010
Uns pechan e outros renacen
Interior do Áncora, coñecido como "a de Cardama", na Congostra do Rico
Soubemos polo Faro de Vigo que remataba unha etapa no emblemático bar O Porto do Chufre, coa retirada de Manuel Dios e Josefa Cores, o matrimonio responsable do negocio desde os anos 50.
Os que fan a ruta das "chiquitas" non quedan orfos de todo, porque ao tempo que desaparecen os locais de costume, xorden outros que semellan recoller a esencia das tabernas mariñeiras. É o caso do Áncora, coñecido xa como "a de Cardama", aberto recentemente. Se no fose pola rechamante cor das paredes e o servizo de wi-fi, ao entrar alí, un tería a impresión de adentrarse na vella "Escameira", a taberna que décadas antes ocupou o mesmo lugar. O segredo para atraer a clientela, un viño novo tinto a bo prezo.
Subscribirse a:
Publicacións (Atom)