9.4.08

A evolución do comercio tradicional

A "rambla", un dos poucos comercios de alimentación independentes que quedan


Todos os comercios tradicionais de alimentación que existían na illa desapareceron. Xa non queda ningunha tenda con mostrador, na que mercar en confianza os recados miúdos e de última hora. A última en pechar foi “a de Barral”, nas Laxes, e antes xubilaron “a de José de Elisa”, “a de Marujita”, “a do Sr. Viana”...

Os únicos comercios de propiedade familiar que sobreviven son o Autoservicio Esperanza, coñecido popularmente como “a rambla” ou “a de José”, e mais El Súper, ambos os dous cun formato comercial de libre servizo que supuxo, no seu día, unha renovación do comercio local. No camiño tamén quedaron outros supermercados de plantexamento similar, como o Vivó (antes o “Economato”) ou o Spar.

Non debe ser fácil resistir fronte ás grandes cadeas de distribución alimentaria establecidas na Illa, como o Froiz, o Día, o Claudio e o Touriño. Pero a estes tamén lles plantou cara, hai un par de anos, un peixe máis gordo, o mega Eroski situado no Terrón, á saída da ponte. Estes establecementos teñen un maior surtido e un equipamento comercial que facilita a compra, pero nin hai tendeiro co que falar, nin se fía.

4 comentarios :

Modesto dixo

Aínda me acordo eu de cando iba comprar vinte pesos de chuches á de Marujita! Que tempos aqueles! ^^
E ó vir da guarde ir hasta ó Super a comprar un paquete dos que teñen na mais entrar ^^
Bueno, eso inda o fagho cando vou buscar a meu irman á guarde, pero non é o mismo :(

nailla dixo

Vinte pesos... Non está nada mal, Modesto! eu acórdome cando pasaba o domingo con sinco, pero debe ser que teño máis anos :)

Anónimo dixo

EU DEBO ESTAR NO MEDIO PORQUE EU ERA DAS DE 50 PESETAS, 10 PESOS POS QUE SOLO RECORDAN O EURO...AII...CANTO TEMPIÑO!!!

jato dixo

Quedouche atras a tienda de Juansuco, nas Laxes, que ainda esta aberta, e leba ai mais de 45 anos.

E ti que dis?

A responsabilidade dos comentarios é unicamente de quen os escribe. A dirección eliminará os comentarios que estime conveniente. As peticións para borrar comentarios non serán atendidas. A participación implica a aceptación destas condicións.

Related Posts Plugin for WordPress, Blogger...